Nga Kanadaja u hodhën dyshimet e para se Sars Cov-2 është krijuar në laborator. Por, nga shtete të ndryshme është raportuar këto ditë se koronavirusi ka qenë i pranishëm edhe më herët nga sa mendohej në këto vende. Në Kanada aktualisht numërohen rreth 64 000 të infektuar dhe mbi 4200 jetë të humbura. Për këtë situatë ka folur nga Toronto neurokirurgu Erion Musabelliu.
“Edhe këtu në Kanada mendohet se COVID-19 ka qenë i pranishëm më përpara.
Për ta menduar këtë gjë ka disa arsye. Një nga ato është se ky virus ka barkodin e tij të verifikimit. Ne dimë që barkodi u vendoset atyre produkteve që janë prodhuar më parë. Ne po bëjmë krahasimin e këtij virusi me genomën e tij aktuale me genomët ekzistues të viruseve të së njëjtës familje dhe doli një shkallë besueshmërie 96% se virusi ka një sjellje krejtësisht natyrale. Pra ai ka gjetur rrugën e tij të komunikimit për të ardhur te njeriu. Në familjen ku COVID-19 bën pjesë janë gjithsek 7 viruse. Është vërtetuar gjithashtu se COVID-19 bashkëvepron me një sjellje normale me bakteret në trupin e kafshëve ku ai rri, si në rastin e lakuriqëve të natës”, shprehet neurologu.
Ai shprehet se edhe njerëzit kanë në rrugët e tyre respiratore baktere ose viruse që bashkëjetojnë normalisht por jo këtë virus. Musabelliu shprehet se mendon se në të ardhmen studimet e ndryshme do të zbulojnë se ky virus është po aq i vjetër sa vetë njerëzimi.
“Ne kemi ndërhyrë në sistemin ushqimor të kafshëve dhe shpendëve në mënyrë të gabuar. Ne jemj afruar te ato kafshë ku ky virus bashkëvepron normalisht dhe nuk kemi pasur informacionin e duhur shkencor për të. Është diçka pothuajse normale që virusi të kalojë nga kafshët tek njerëzit si në këtë rast sepse virusi kërcen nga një vend tek një tjetër”, thekson Erion Musabelliu.
Burimi origjinal, këtu:
