Një studim i bërë në Shtetet e Bashkuara të Amerikës ka treguar se medikamenti Remdesivir ka dhënë rezultate shumë të mira në luftën ndaj koronavirusit. Ky medikament është autorizuar edhe FDA.
Dr. Zana Blaku – Tanushi, Farmaciste e Studimeve Klinike në SHBA dha shpjegime për këtë medikament. Ajo tha se ky ilaç ka ulur qëndrimin në spital të pacietëve nga 15 ditë në 11.
“Remdesevir është një medikament që ka dhënë rezultate shumë të mirë për Covid-19. E kemi përdorur tek pacientët e shtruar në spital në gjëndje të rëndë dhe ka sjellë uljen e qëndrimit në spital nga 15 ditë në 11. FDA e ka aprovuar këtë medikament për rastet e rënda. FDA gjithashtu ka dhënë një aprovim edhe për hidroklorikinën.
Remdesivir nuk është një medikament i panjohur. Janë bërë teste edhe për sëmundjen e Malarjes por që nuk dha rezultatet e pritshme. Ndëra në rastin e COVID-19 ky antiviral ka ndikuar në riprodhimin e qelizave të virusit. Ky është një hap shumë i rëndësishëm sepse me anë të këtij medikamenti ne mund të arrijmë të shkatërrojmë virusin. Edhe pse ky si antiviral nuk është specifik për sëmundje të caktuara ndaj COVID-19 ka dhënë efekt”, tha doktoresha shqiptare që jeton në SHBA.
Sipas doktoreshës ky studim i sponsorizuar nga FDA filloi më 21 shkurt dhe përfundoi më 29 prill dhe ende është në fazën e analizimit të rezultateve.
Në bazë të analizave paraprake rezultatet janë premtuese dhe prandaj ka marrë dritën jeshile nga FDA për t’u përdorur në raste emergjence te pacientët.
Burimi origjinal, këtu:
