Mjeku shqiptar në Graz të Austrisë, Lekë Abdyli thotë se masat e hershme që mori ky shtet në përballjen me koronavirusin pati pasoja në ekonomi por shpëtoi shumë jetë njerëzish.
Abdyli ka thënë se ka pasur edhe viktima shqiptare në Austri por nuk ka informata të sakta. Ai ka thënë se ky virus dallon nga të tjerët për shkak të pa parashikueshmërisë së tij.
“Pacientët vijnë në gjendje stabile por në moment përkeqësohet gjendja dhe përfundojnë me fatalitet”, shprehet mjeku.
Abdyli ka përshëndetur menaxhimin e deritanishëm të situatës me COVID-19 në Kosovë por sipas tij rreziku më i madh tani është në periudhën e rihapjes.
“Tani njerëzit vërshojnë nëpër rrugë. Nëse nuk ka kujdes ka rrezik të madh. Mbajtje e distancës është shumë e rekomanduar”, tha ndër të tjera mjeku Lekë Abdyli.
Burimi origjinal, këtu:
