Një video promovuese për turizmin shqiptar, ku turistët ftohen të vizitojnë këtë vit, Shqipërinë dhe Kosovën, pasi të përfundojë pandemia është publikuar pak ditë më parë.

Në këtë video të shkurtër shfaqen gjithë bukuritë e dy vendeve duke filluar që nga Alpet, lumenjtë, bregdeti, kanionet, kështjellat e deri tek  gatimet tradicionale shqiptare.

“Nëse keni shpirtin e aventurës, nëse ju pëlqen të zbuloni kultura të lashta, dhe dëshironi ta gjeni veten në mes të një natyre përrallore ende të pazbuluar, ne ju mirëpresim”- është kjo ftesa që vjen për turistët, në këtë periudhë ku turizmi po përballet me një sfidë të fortë për shkak të izolimit të detyruar nga përhapja e koronavirusit.

E në këtë situatë “Active Albania” e ka një thirrje për turistët “Qëndroni të sigurt në shtëpi tani, që të vini e të njiheni me shqiptarët më vonë.”

Të gjithë shqiptarët që jetojnë prej vitesh larg vendit si dhe të huajt që janë kuriozë të njohin Shqipërinë që të vizitojnë natyrën tonë të paprekur e të egër.