Ambasada e Shqipërisë në Francë njofton se fluturimi i radhës nga Franca në Shqipëri është parashikuar të kryhet në datën 6 maj 2020. Ambasada sqaron përmes një njoftimi të gjithë të interesuarit se nisja do të kryehet nga aeroporti i Parisit “Charles de Gaulle” ndërsa rezervimet bëhen direkt në adresën e internetit: www.airalbania.com.al
“Duke qenë se kanë ndryshuar rregullat e karantinimit të detyruar, ju mund të kryeni rezervimin e fluturimit pa patur nevojë për të bërë paraprakisht rezervimin e hotelit”-thuhet në njoftim.
“Plani i masave lehtësuese” të shpallura nga qeveria shqiptare ka ndikuar edhe në ndryshimin e sistemit të riatdhesimit për qytetarët shqiptarë që janë bllokuar jashtë kufijve.
Pasi të mbërrijnë në Shqipëri, të riatdhesuarit që janë me banim në zonat e kuqe do të vetëkarantinohen në shtëpitë e tyre, ndërsa ata që janë me banim në zonat e gjebërta do të vazhdojnë të karantonohen në hotelet e vendosura në Durrës.