COVID-19 tashmë është përhapur shumë në SHBA. Për të dhënë më shumë informacione për situatën në këtë gjëndje emergjence ka folur nga Bostoni, zëvëndës presidenti i shoqërisë atdhetare “Besa Besë”, Petrit Alibeaj.

Sipas tij në Boston nga informacionet e fundit janë rreth 62,000 të infektuar, 3,800 prej tyre janë në gjendje kritike në spital dhe numri viktimave është mbi 3,600 persona.

“Në Boston vatra është akoma shumë e nxehtë dhe besoj se kjo gjendje do të vazhdojë sepse kurba rritet dita ditës. Komunikimet që unë kam pasur këtë periudhë me komunitetin shqiptar kanë qenë të shumta sepse edhe kohën e kemi të lirë. Të gjithë janë mirë me shëndet dhe deri tani nuk kemi asnjë rast me COVID-19”, shprehet Alibeaj.

Ai thekson faktin se rregullat e katantinës duhen zbatuar nga të gjithë sepse është e vetmja mënyrë për të qënë sa më të sigurt.

“Rregullat janë në të mirën tonë dhe besoj se do ta kalojmë. Duhet pak kurajo sidomos për ne shqiptarët që jemi mësuar të lëvizim. Kjo situatë nuk ka shpjegim sepse kjo lloj pandemie nuk është parë ndonjëherë”, vazhdon më tej ai.

Gjithashtu Petrit Alibeaj punon në aeroport, në sektorin e linjave ndërkombëtare dhe jep një mendim se kur mund të rifillojnë sërish punën e tyre. Sipas informacioneve që ai ka disa linja mund të fillojnë veprimtarinë e tyre në datën 1 qershor.

Burimi origjinal, këtu: