Mario Ademaj është mjeku shqiptar në SHBA, që ka vendosur t’i kërkojë ndihmë Organizatës Botërore të Shëndetësisë për Shqipërinë. Ai tregon për se i ka kërkuar kontribut OBSH-së nga fondi i ermgjencës, në rast se Shqipëria dhe Kosova do të përballen me një situatë si Italia apo Spanja. Mjeku thotë se sistemi shëndetësor në vend ka shumë probleme dhe munegesë kapacitetesh dhe nëse shifrat rriten, do të përballemi me një kolaps.
“Unë e kam njohur mirë sistemin shëndetësor të Shqipërisë dhe Kosovës gjatë viteve të fundit, për shkak të klinikave që kemi ndërtuar vit pas viti. E di se sa i brishtë është ky sistem shëndetësor. Shqipëria do të ishte rrezikuar shumë nëse përhapja do të kishte ndodhur njësoj si në Itali apo Spanjë, pasi ne nuk jemi një vend i pasur. Frika ime e parë ishte se mos kalonte kapaciteti i të infektuarvë dhe për këtë arsye OBSH ka një fond emergjence dhe ky fond ndihmon sidomos shtetet që janë të rrezikuara. Ato shtete që janë më të varfëra dhe e kanë të dobët sistemin shëndetësor, ndaj dhe i vura sërish në dijeni ata”, shprehet ai.
Mjeku thotë se qëllimi i letrës së tij ishte të përgatiste OBSH-në të ofronte çdo material, ndihmë apo edhe staf mjekësor.
”Për sistemin që kemi, sidomos në fillim, ishim mjaft në rrezik. Unë e njoh mjaft mirë situatën aty, e di që ka shumë mungesa, ndaj është e e rëndësiishme që për një shtet si Shqipëria të ketë një protokolle agresivë. Sidmos me izolimin. Deri tani ka ecur mirë dhe OBSH e tregoi gatishmërinë për ndihmë nëse do të jetë nevoja”,- thotë ai.
Demaj është në vijën e parë të frontit, ku shërben në Çikago, në një klinikë ku zhvillohen teste dhe trajtime për pacientët e prekur nga Covid-19. Ai thotë se ndër pacientët që trajton, ka një numër të lartë shqiptarësh të prekurish, por pjesa më e madhe e tyre nuk identifikohen dot, për shkak të mungesës së siguracionit.
“Niveli i të infektuarve është shumë i lartë, por ata janë në rrezik, pasi një përqindje e lartë e tyre nuk kanë siguracione për shëndetin. Shumë nuk shkojnë në spitale, kur kanë simptoma dhe kjo i rrezikon. Disa shqiptarë më kanë dërguar mesazhe, ku një pjesë janë konfirmuar e qindra të tjerë kanë shenja, por nuk kanë kryer testin”,- thekson ai.
Mjeku tregon se shumë shqiptarë kanë humbur edhe familjarë të tyre nga lufta me Covid-19. Sakaq, shton se edhe pse puna e tij është në Çikago mban kontakte me shumë shqiptarë në shtete të ndryshme, kryesisht në New York, ku edhe numrin i të infektuarve është më i lartë.
I pyetur për medikamentet që po përdor SHBA për të luftuar Covid-19, të cilat kanë dhënë efekte pozitive, mjeku thotë se janë disa ilaçe.
“Ka disa vaksina që po testohen. Në spitalin ku unë punoj po testohet vaksina Coroflu, që është një kombimin vaksinash i gripit dhe Covid-19. Ka treguar shumë potenciale. Një tjetër ilaç që e kam përdour më së shumti është edhe Remdesivir. Është anti-virus dhe ka kuruar simdos pacientë që janë në gjendje të rëndë. Po studjohet në disa vende, por selia më e afërt është në universitetin e Çikagos”.
Ademaj thotë se nga 113 individë në gjendje kritike, pjesa më madhe pasi morën këtë ilaç u shëruan dhe dolën nga spitali.
“Vetëm dy pacientë ndërruan jetë, pra është një numër shumë i ulët në krahasim me ilaçet e tjera që janë përdorur”,- sqaron ai. Edhe plazma e indvidëve që kanë mposhtur tashmë koronaviursin po përdoret. “Plazma mban ca qeliza imuniteti që i ndihmon individët për t’u përmirësuar”, bën me dije mjeku.
Mjeku i cili është edhe president i “Albanian International Medical Team”, i përbërë nga ekip vullnetarësh, mjekë dhe infermierë, që çdo vit ndërtojnë klinika dhe ofrojnë shërbime mjekësore falas në Shqipëri dhe Kosovë, prej 5 vitesh, thotë se me e keqja ka kaluar. Sipas tij, tani duhet të kalojmë në planin tjetër, atë të rihapjes së ekomonisë dhe shteteve.
“Të jemi të kujdeshëm dhe tani është momenti të kemi një balancë mes shëndetit dhe ekomoisë. Jam optimist që do rikthehemi në normailitet. Sigurisht, jo më si më parë, por kjo situatë është drejt fundit”- tha ai.
Burimi origjinal, këtu:
