Shtypi është një faktor shumë i rëndësishëm që ka ndikuar në ruajten dhe tejçimin e identitetit kombëtar edhe ndër arbëreshët e Italisë, duke ruajtur të gjalla kujtimet dhe traditat e vendit amë. Mbas “Shqiptarit të Italisë” së De Radës, kanë qenë me dhjetëra titujt e gazetave dhe revistave që e kanë vazhduar këtë traditë.

Sot është 17-vjetori i daljes së numrit të parë të gazetës “Rrënjët”, e cila botohet në Romë, nën kujdesin Hasan Aliaj, i cili sot kujton, detaje nga ky udhëtim 17-vjeçar, duke përmendur bashkëpunëtorët që ndihmuan në realizimin e numrave të shumë të gazetës, të cilët kanë profile të ndryshme, si: shkrimtarë, historianë, ndërtues, intelektualë, studiues, poetë, arkeologë, albanologë etj,.

Në një postim përkujtues të kësaj dite, Hasan Aliaj shpjegon mbi tematikat që Rrënjët trajton. Kjo gazetë, ka në fokus të saj informimin mbi ngjarjet e reja, dhe ato të së shkruarës, “Si një lajmëtar me informacione të reja historike e interesante ka udhëtuar nëpër qytete, fashatra, male, troje e kudo dhe për këtë ajo është bërë shumë e kërkuar”, thotë Aliaj.

Për realizimin e gazetës kanë dhënë kontribut të vyer, emra të njohur të intelektualizmit arbëresh dhe të Shqipërisë si: Antonio Biasco, Alessandro Castriota Scanderbeg, Arjan Kallco, Albana Babe, Andre Llukani, Ana Bisholla, Agush Divella, Begzad Myrvete Baliu, Dorian Koçi, Durim Likaj, Efrosina Arapi, Ernesto Scura, Ernesto Sciro, Gëzim Llojdia, Giuseppe Chimiso, Fahri Xharra, Fotaq Andrea, Franco De Angeli, etj.