Llambros Kakissis, Konsulli grek në Gjirokastër, ka dhuruar në emër të qeverisë greke për spitalin e Sarandës 2000 maska, 1000 doreza dhe dezinfektant. Kakissis u shpreh se në një moment të vështirë si ky në emër të fqinjësisë së mirë, duhet ti qëndrojmë pranë njëri tjetrit.
“Ndihma është nga e gjithë prefektura e Athinës dhe nga organizata të tjera, për të gjithë bashkitë minoritare dhe spitalin e qendrat që janë rrotull këtij komuniteti. Më parë ishim në spitalin rajonal të Gjirokastrës, sot jemi këtu, kjo është një dhuratë simbolike për të treguar mbështetjen tonë për popullin shqiptar dhe për të treguar miqësinë mes dy popujve tanë. Përveç kësaj dua të falenderoj edhe personelin mjeksor për këto kohë të vështira,”-u shpreh konsulli grek.
Përsa u përket qytetarëve shqiptar apo minoritar grek, të cilët medikamentet e tyre i sigurojnë në shtetin grek, Kakissis u shpreh se nëpërmjet shoqatave të ndryshme po bëhet maksimumi që qytetarët të mos mbeten pa ilace që iu nevojiten.
Gjithashtu Ambasada Greke në Tiranë ka vendosur të ndihmojë familjet shqiptare në nevojë me udhqime dhe para.
Pjesë e familjeve që përfitojnë nga kjo ndihmë përfshirë familjeve në nevojë janë edhe fëmijët jetimë, nënat që rrisin të vetme fëmijët e tyre, familjet që vuajnë nga gjakmarrja dhe të moshuarit e karantinuar nga COVID-19.
