Merita Halili së bashku me bashkëshortin e saj, muzikantin Raif Hyseni edhe pse në karantinë për shkak të pandemisë vijojnë të jenë aktiv duke interpretuar si pjesa me e madhe e artisteve në këto ditë on line dhe të pranishëm me intervista në televizione të ndryshme. Madje gjatë një interviste televizive ata kanë prezantuar edhe projektin e tyre të radhës, një bashkëpunim me Holliwodin.

’’Në familjen time gjithmonë këndohet dhe do të këndohet, sepse çdo gjë në këtë botë është e përkohshme, ashtu sikurse ky virus. Ndaj s’kemi arsye të mos zgjidhet pozitivisht, ndaj s’duhet t’i humbim shpresat te shkencëtarët dhe Zoti. Ne sot kemi një regjistrim në studio me dy këngëtarë nga bota dhe producentë nga Holliwoodi që shpresojmë javën tjetër të jetë gati. Akoma nuk dimë emrat por janë artistë të njohur botëror, por ofertat na janë bërë individuale, por këto informacione i kemi nga producentët’’, tha Raif Hyseni.

Ndërsa kanë interpretuar live një nga këngët më të njohura të Merita Halilit  “Lule të bukura ka Tirona” ata kanë folur edhe për kohën që po kalojnë në karantinë dhe projektet e anuluara.

’’Disa aktivitete janë anuluar ndërsa disa janë shtyrë për situatën pas pandemisë. Mundohemi të kënaqemi dhe  me mundësinë që kemi ne. Na mungon shume kontakti me studentët, por mbajmë lidhjet on line ndaj kjo na mban gjallë’’, u shpreh këngëtarja Merita Halili.

Burimi origjinal këtu: