UEFA ka vendosur të ndajë 236.5 milionë euro për 55 federatat e saj për t’i ndihmuar ato të përballen me krizën e shkaktuar nga pandemia e COVID-19. Me këtë rast federata shqiptare e futbollit do të përfitojë 4.3 milionë euro.
Fondi vjen nga programi i ndihmës “HatTrick”, i lindur në vitin 2004 me qëllimin për të mbështetur zhvillimin e disa zonave specifike të sektorit të futbollit në nivelin lokal.
Siç bën të ditur vetë UEFA , secili anëtar do të jetë në gjendje të përdorë kuotën e tij në mënyrën që ai gjykon më të përshtatshme, pa asnjë kufizim, në bazë të nevojave. Pra çdo federatë do të vendosë vetë për përparësitë e saj.
“Sporti ynë po përballet me një sfidë të pashembullt të diktuar nga kriza e COVID-19”, tha Presidenti Ceferin, “UEFA dëshiron t’i ndihmojë anëtarët e saj që të përgjigjen në mënyrë të duhur nevojave apo rrethanave të tyre specifike. Prandaj kemi rënë dakord që çdo shoqatë të marrë 4.3 milionë euro për fundin e këtij sezoni dhe atij të ardhshëm.
Programi i ndihmës HatTrick lindi në Nion pas europianit në Portugali dhe është një nga programet më të mëdha të solidaritetit të krijuar ndonjëherë nga një organizatë sportive.
Ajo bazohet në një koncept të thjeshtë, riinvestimin e një pjese të madhe të ardhurave nga kampionati europian për të zhvilluar futbollin në tre fronte, investim trajnim dhe shkëmbim i njohurive. Deri në vitin 2024, programi HatTrick do të ketë arritur një shifër të konsiderueshme prej 2.6 miliardë eurosh për federatat kombëtare.
Burimi origjinal këtu:
