Biznesmeni Bujar Belaj i cili vepron në Berlin të Gjermanisë, ka folur mbi situatën në të cilën ndodhet qyteti gjerman në këto momente. Sipas tij frika është e madhe dhe të gjithë po mundohen të qëndrojnë sa më larg njeri-tjetrit. Në Berlin për momentin ndodhen 5,603 të prekur, 4508 të shëruar dhe 121 janë të vdekur.
“Jam gastronom kam restorantet e mia këtu me vite. Për momentin i kemi të gjitha mbyllur. Na ka dëmtuar shumë sepse kemi punuar shumë, por kemi fat që jemi në një shtet të fortë dhe kemi marrë disa ndihma. Si biznes kemi marrë nga një pako si ndihmë fillestare që ka qenë shumë e thjeshtë që është bërë në mënyrë solidare. Kemi marrë nga 15 mijë euro për secilin lokal që kemi dhe të gjithë punëtorët që kemi shteti t’i paguajë të gjithë”, ka thënë Bela.
Bela ka thënë se kjo ndihmë do të vazhdojë derisa atyre t’u kërkohet që t’i mbajnë lokalet e mbyllura.
Për sa i përket lehtësimeve gastronomi ka thënë se Berlini nuk ka qenë në karantinë sepse është një qytet shumë i madh por ndërgjegjësimi i njerëzve është shumë i madh. Sipas programit të qeverisë gjermane deri tani janë hapur dyqanet mbi 800metra/katror javën që kaloi ndërsa këtë javë pritet hapja e dyqaneve të vogla. Gjithashtu edhe hapja e kopshteve dhe shkollave nuk është larg.
Burimi origjinal, këtu:
