Ka qenë një koncert unik i këngëtarit Sabri Fejzullahu, koncerti i mbrëmjes së djeshme në Prishtinë.

Në një stadium bosh, pa publik, Fejzullahu ka interpretuar disa nga këngët më të njohura të repertorit të tij dhe jo vetëm. Koncerti  i realizuar në bashkëpunim me Bashkinë e Prishtinës është ndoshta koncerti më i veçantë i këngëtarit Sabri Fejzullahu i cili është ngjitur në qindra skena në Shqipëri, Kosovë e Diasporë me një publik të panumërt.

Në një fjalim prekës në fillim të koncertit Fejzullahu ka dhënë mesazhe të forta për Kosovën, Shqipërinë dhe mbarë shqiptarinë.

“Ju dua shumë, Ju dua me zemër plot. Rroftë kombi shqiptar” ka thënë ai ndër të tjera.

Këngëtari i mirënjohur ka interpretuar live për rreth një orë në një koncert tribut jo vetëm për Prishtinën por për të gjithë yjet e skenës, artit, shkencës e muzikës shqiptare, të cilët i kanë dedikuar jetën e tyre muzikës, e sidomos kultivimit  të krijimtarisë shqiptare si  Nexhmie Pagarusha, Leze dhe Xhevat Qena, Faruk Begolli, Violeta Rexhepagiqi, Muharrem Qena, Violeta Rexhepagiqi etj.