Francesca Prestia, këngëtarja arbëreshe e lindur në Katanzaro, sjell versionin e saj të këngës “Bella Ciao” sot në ditën kur Italia feston çlirimin nga fashizmi.
“Bella Ciao” është kënga tradicionale italiane, e përkthyer në dhjetëra gjuhë të botës, e cila është kthyer në simbolin e kësaj dite, por edhe në himnin e partizanëve dhe të të shtypurve në përgjithësi.
Krijuesi i kësaj kënge është i panjohur, siç nuk dihet data e saktë e qarkullimit. Megjithatë, kënga “Bella Ciao”, është përdorur si simbol për lirinë dhe rezistencën, gjë që lidhet edhe me situatën e krijuar së fundmi në të gjithë botën, për shkak të pandemisë.
