Pamja që bota të afron gjatë këtyre muajve është pak a shumë e njëjtë në të gjtiha vendet e botës. Koronavirus ka boshatisur edhe vendet si Kana, rrugët e së cilës në këto kohë duhet të ishin mbushur nga turistët e shumtë.

Ami Bekteshi është gazetare shqiptare, e cila jeton dhe punon në qytetin e Kanës në Francë. Në një intervistë, ajo tregon per situatën e krijuar nga pandemia dhe nismën e bashkisë së qytetit per shpërndarjen e maskave falas dhe broshurave me informacion për qytetarët.

“Kana sigurisht që është një nga qytetet më të bukura në botë. Për shkak se turizmi është i shtrenjtë, bashkia ka të ardhura dhe buxhet të lartë, ndaj në aspektin e sigurisë Kana ka qenë më e organizuar se qytetet e tjera. Lahen pothuajse cdo ditë me klor rrugët kryesore dhe e ndjejmë pothujase cdo ditë, para disa ditësh bashkia në kutinë e postës kishte dhuruar maska për familjet dhe broshura me informacione”, shprehet Ami Bekteshi.

Ndikim sipas saj do të ketë edhe shtyrja e Festivalit të Kanës, e cila për bizneset ishte një burim shumë i mirë të ardhurash, pasi qyteti mbushej me turistë të shumtë.

“Një nga kongreset e biznesit është anuluar, Festivali i Kanës gjithashtu është shtyrë në një afat të pacaktuar, mendohet në qershor ose korrik, ky është festivali më i rëndësishëm dhe bizneset përfitojnë në atë kohë sepse ka shumë turistë, në maj këtu duhet të kishte lëvizje shumë të mëdha, por situate është e qetë me kontrolle shumë të mëdha të policisë”, tregon nga Kana gazetarja.

Burimi origjinal, këtu: