Dhoma e Tregtisë dhe Industrisë në Vlorë i është bashkuar nismave humanitare në vend, të cilat po mbështesin punonjësit e shërbimeve parësore në komunitet.
Kryetari Arben Breshani në emër të Dhomës i ka dhuruar Drejtorisë Vendore të Policisë Vlorë 600 maska mbrojtëse.
“Ky donacion u bë për t’iu ardhur në ndihmë punonjësve të Policisë, sidomos atyre që punojnë çdo ditë në terren për të parandaluar përhapjen e COVID-19”, tha ai.
Efektivët e policisë së shtetit kanë qëne të angazhuar plotësisht në ruajtjen dhe respektimin e masave të marra nga qeveria kundër shpërhapjes së COVID-19, duke monitoruar lëvizjen e qytetarëve gjatë fashave orare të lejueshme të lëvizjes.