Për herë të parë, një grup artistësh të Diasporës shqiptare në Zvicër sjellin të përmbledhur në një disk (CD) këngët liturgjike shqip.

Janë 22 këngë të përzgjedhura nga Don Pren Prend Kola, të cilat interpretohen nga pesë solistë me origjinë shqiptare.

Dy prej të cilëve janë këngëtarët e njohur arbëreshë Maria Christina Imbrogno dhe babai i saj Mimmo Imbrogno si dhe tre artistë të tjerë shqiptarë në Zvicër, Gentjana Tafili, Fiona Gjini dhe Elona Mathieu.

Jozef Radi, autor i njohur i Diasporës shqiptare, përmes një shkrim të tij tregon se programi i këngëve, interpretimi në këtë disk, kalon mesazhe të bukura humane dhe të besimit, me melodi e tekste mbresëlënëse e që shton dëshirën për të pasur më shumë e më të pranishëm këtë repertor, mes shumë repertorëve të tjerë shqip

“Këngë Liturgjike Shqip”, i publikuar këto ditë ky album është një projekt i realizuar pas suksesit të Festivalit Ballkanik të këngës e këngëve korale shqip, i cili u organizua vitin e kaluar në Aarau të Zvicrës.