Sonila Sejdarasi është mjeke psikologe, e cila e ushtron profesionin e saj në Chicago të Shteteve të Bashkuara. Në një intervistë për komunitetin shqiptar që jeton në SHBA, ajo jep disa këshilla për shëndetin mendor në luftën ndaj COVID-19.
Një nga rastet që psikologia shprehet që e ka parë më shpesh së fundmi është rritja e tensionit me origjinë nervore. Sipas saj në këtë rast njerëzit në fillim duhet të njohin ankthin e tyre, duhet të njohin vetveten sepse ne nuk mund të jemi objektiv në mendimet tona sepse secili është i ndryshëm.
Në këtë situatë ku të gjithë ndihen të rrezikuar nga COVID-19 ajo jep një mesazh për shqipëtarët.
“Ne jemi një popull i fortë që ka përballuar shumë gjëra, jemi njerëz që dimë si t’ia dalim mbanë. Në raste kir ka tragjedi dhimbja është e madhe por shërben edhe për t’u afruar më shumë me njeri-tjetrin. Edhe pse nuk mund të jemi afër me shoqërinë, me anë të rrjeteve sociale arrin të komunikosh. Në këto raste të vështira bëhet më e fortë lidhja mes njeri-tjetrit.
Një nga gjërat kryesore që ndodh sidomos tani ndaj COVID-19 është shokimi dhe mohimi i gjërave që kanë ndodhur. Shokimi është paralizë mendore që do të thotë tronditje. Më pas vjen dëshpërimi dhe zemërimi ndaj vetes dhe të tjerëve, pasi kemi kuptuar se çfarë po ndodh emocionet janë të mëdha. Edhe kur e kuptojmë që nuk kemi çfarë të bëjmë tjetër përveçse të rrimë në shtëpi mundohemi të gjejmë ndonjë menyrë që të kalojmë mërzitjen. E rëndësishme është të kuptojmë humbjen dhe të vazhdojmë përpara”, shpehet Sejdarasi.
Një tru i shëndetshëm është i barabartë me një zemër të shëndetshme. Të kujdesemi për kujdesin mendor dhe për emocionet na e bën jetën më të lehtë.
Burimi origjinal, këtu:
