Kreu i Shoqatës shqiptare në SHBA “Vatra”, Elmi Berisha, foli në një lidhje për Neës 24 mbi situatën e rëndë të krijuar në SHBA, dhe kryesisht në Neë York, për shkak të përhapjes masive nga koronavirusi.

Berisha tha se Neë Yorku po kalon një situatë të jashtëzakonshme, edhe për shkak se ka shumë njerëz dhe është shumë e vështirë të respektohen masa.

“Në mesin e Vatrës kemi mjekë të cilët janë duke punuar 24 orë duke i shërbyer komunitetit shqiptar por edhe qytetarëve amerikan. Po kontribuojnë nëpërmjet klinikave të tyre private nëpërmjet të cilave kanë qasje direkte te qytetarët shqiptaro- amerikanë, te ata që kanë mungesë të shërbimeve të ndryshme shëndetësore, të atyre që janë më të moshuar. Vatra është duke u koordinuar me mjekët e saj për ti ardhur në ndihmë të gjithë shqiptarëve që kanë nevojë”, tha ai.

Kreu i Shoqatës Vatra theksoi se Shqipëria, Kosova dhe vendet e tjera të rajonit duhet të marrin mësim nga Nju Jorku dhe të respektojnë me përpikmëri masat, pasi janë vende të vogla dhe e kanë më të lehtë.

Ai falënderoi qeveritë shqiptare për masat e deritanishme, ndërsa shtoi se qytetarët nuk po tregohen të ndërgjegjshëm.