“Pika kulmore i këtij virusi do të jetë brenda disa javëve. Çdo shtet duhet ta ketë të qartë se virusi nuk pushon vetëm me një fluks maksimal. Kanë për të ardhur 3 valë të ngjashme me cunamin. E dyta dhe e treta do të jenë më të lehta. Pas valës së tretë, duhet të themi se e kemi izoluar virusin”.

Kështu u shpreh në Gani Zeka, mjek i sëmundjeve të brendshme, i cili prej vitesh punon në Poloni, ku është në vijën e parë të frontit. “Ne bëjmë filtrimin e pacientëve. Është shumë e rëndësishme që pacientët nuk duhet të gënjejnë për simptomat që ata kanë. Ka shumë raste që nuk janë në gjendje të kuptojnë rrezikun që paraqitet nga ky virus. Nuk e kuptojnë që virusi është vrasës. Ne përpiqemi të sqarojmë se respektimi i rregullave është kryesor”.

Ai thekson se në vijën e parë kundër COVID-19 duhet të jenë mjekët multidisiplinorë, ata duhet të jenë të aftë të ndajnë pacientët në repartet e duhur. Fluksi i njerëzve mund ta ngarkojë punën dhe ky proçes duhet të jetë shumë i shpejtë, jo më shumë se 5 minuta. Mjeku shqiptarë gjithashtu këshillon qytetarët të mos dalin nga shtëpia pa nevojë dhe të kenë sa më pak kontakte me njerëz.

Burimi origjinal, këtu: