Mark Gjonaj, Kryetar i Këshillit Koordinues të Diasporës dhe njëkohësisht këshilltar i Bashkisë së New York-ut, flet për situatën dhe vështirësitë e krijuara nga pandemia COVID-19 dhe për komunitetin shqiptaro-amerikan në New York. Ai shpreh ngushullimet e sinqerta për familjet e viktimave dhe lutet për pacientët e infektuar që po zhvillojnë betejën për jetën. Gjithashtu, si Kryetar i Komitetit për bizneset e vogla në bashki, z. Gjonaj tregon për ndikimin e krizës në bizneset e komunitetit shqiptar dhe mundësinë për të aplikuar për grante dhe kredi të ofruara nga qeveria federale.
Gjonajt gjithashtu tha se do të ketë edhe paketa të tjera stimuluese për biznesin e vogël sepse kërkesat janë të shumta. Janë bizneset ato qe po e ndjejnë më shumë këtë krizë.
“Ndihmat nuk po vijnë aq shpejt sa duhet. Qeveria është e ngadaltë dhe nevojat janë të ngutshme. Nuk po tregohemi aq të shpejtë sa duhet. Por ne po mundohemi shumë. Edhe pse zyra ime është e mbyllur telefonat e mi nuk pushojnë, ne i’u përgjigjemi pyetjeve dhe kërkesave të ndryshme të komunitetit përfshirë edhe atë shqiptaro-amerikan. Ne duhet ta kalojmë këtë krizë së bashku. Qeveria po ben punën e saj dhe dyert tona janë të hapura për këdo që do ushqim dhe strehim”, u shpreh Mark Gjonaj.
Ai gjithashtu dha një mesazh për komunitetin shqiptaro-amerikan ku i këshillon ata të qëndrojnë aty ku janë, të mos kërkojnë levizje dhe të dalin nga shtëpia vetëm për raste nevojash sepse ky virus po bën shumë dëme.
Burimi origjinal ketu:
