Me njerëzit e izoluar në shtëpi e në zyra, dhe me mbylljen e shkollave për të parandaluar përhapjen e koronavirusit, video-thirrjet janë duke shënuar rritje të vazhdueshme. Shumica e përdoruesve të pajisjeve teknologjike janë drejtuar drejt aplikacionit “Zoom” dhe jo në të famshmin Skype që ishte qëndra e thirrjeve online për një kohë të gjatë.
Kjo sepse shpërndarja e thirrjeve të “Zoomit” është më e lehtë edhe pse ka shfaqur disa probleme. Tani Skype është kundërpërgjigjur me veçorinë “Meet Now”.
Me këtë veçori, përdoruesit mund të krijojnë dhe të ndajnë një takim falas me vetëm tri klikime, sipas Microsoftit. Edhe nëse personi nuk e ka Skypen e instaluar – ju mund ta nisni proçesin përmes kësaj faqeje – dhe të ftoni njerëzit duke përdorur butonin e shpërndarjes. Nëse personi që e ftoni ka të instaluar Skypen, ai do të hapet direkt. Nëse jo, atëherë do të hapet biseda përmes shfletuesve të internetit, Google Chrome ose Edge.
Burimi origjinal, këtu:
