Mbresa që na ka lënë ansambli “Shota”, jo vetëm për mua, por për të gjithë shqiptarët që ishin atë ditë prezent, nuk mund të përshkruhet, ishte vetëm tërqethje lëkure, kishte shumë emocione. Ansambli AKKV “Shota”, sidomos për shqiptarët nga Kosova, është simbol që i bashkon të gjitha gjeneratat, të mëdhenj e të vegjël. Unë si kryetare e shoqatës, për arsye organizimi, kisha të bëj me ta personalisht, dhe i njoftoja të gjithë, për së afërmi, nga drejtori Z. Mehmed Xhemajli, maestro Ylber Asllanaj, organizatori Shpend Rudi, ikonës së valles shqiptare Besnik Grajçevci etj. Secili valltar dhe valltare, këngëtar dhe këngëtare, orkestra dhe përfaqësuesit, u shihej pasioni që kishin, për punën që bënin. Ishte një kënaqësi dhe privilegj i madh, ti kemi në qytetin e Salzburgut. Shpresoj se nuk do jetë hera e fundit.
Piktori Gazmend Freitag ishte një rastësi shumë e këndshme dhe përfundon me një miqësi shumë të çmueshme nga ana ime. Mua më kontakton Gazmendi në Facebook, ku shkruan, ndoshta ne kemi dëshirë të postojmë portretin e “Alexander Moissi“, që kishte realizuar ai, meqenëse shoqata jonë e mban emrin e “Aleksandër Moisiut”. Së pari më erdhi tej masę mirë, qe ka një piktor si Gazmendi shqiptar dhe qe ka pikturuar aq bukur, ai më tregon që ka 20 portrete të figurave shqiptare, të pa prezantuara. Mua aty më lindi idea dhe dëshira. Një javë më herët unë kisha takimin në shtëpinë e “Salzburger Volkshaus“, edhe aty na pyetën ne shoqatave, a kemi dëshirë të prezantohemi me ekspozitë, unë thashë jo, se nuk kisha ide. Kur Gazmendi trokiti te unë, e pyes Gazmendin nëse kishte dëshirë ti prezantonte në festën e popujve punimet e tij, pa menduar fare më tha po. Ishte një kombinim, them i përsosur, madhështor, portretet e tij me figurat e pavdekshme shqiptare së bashku me ansambin “Shota”, nuk kishte si të ishte më mirë, së bashku në qytetin e Salzburgut.
Aleksandër Moisi, luajti për herë të parë rolin e “Jedermann-it“ në teatrin, si pjesë e “Salzburger Festspiele“, portreti i tij së bashku me figurat historike në praninë e ansamblit “Shota“, në qytetin e Salzburgut, ku ai la hapat e tij shpirt artisti, frymëzonte ditën 18 qershor, kulturë e traditë e mirëfilltë shqiptare, po në qytetin e Salzburgut.
Të punohej me Gazmendin ishte për mua shumë lehtë, në telefon, kuptoheshim pothuajse sikur njihemi me vite, personaliteti i tij, shumë i ëmbël, një artist shumë i madh. Shumë profesional, i nivelit të larte artistik. Në festën e popujve u pamë personalisht, ishte kënaqësi shumë e madhe, punimet e tij nuk ngopeshe me i pa, aq bukur i kishte qëndisur, ishte një privilegj i madh për ne, të kishim Gazmendin dhe ansamblin AKKV “Shota“ në Salzburg. Këto projekte janë që më bëjnë të dua punën që bëj, me shumë dëshirë të madhe, nga këto projekte rrjedhin njerëzit që unë i njohë, e ata janë njerëzit, si Gazmend Freitag e shumë artistë të tjerë nga trojet shqiptare.
Nga LULAVERE DASCH
Kryetare e shoqatës “Alexander Moissi“ në Salzburg të Austrisë
