Ka mbi 10-të vjet që në ekranin kinematografik dhe atë televiziv grek, aktorë shqiptarë debutojnë me një profesionalizëm të rrallë, duke krijuar kështu role të spikatura që mbetën në kujtesën e spektatorit dhe teleshikuesit. Secili prej tyre, pa asnjë lloj zhytje të thellë në çështje politike-parapolitike, i shërben artit në mënyrë shembullore, na bëjnë krenarë dhe janë aq personazhe të dashur për publikun.
Mënyra si ata flasin për origjinën e tyre është e adhurueshme dhe emocionuese.
E duhet theksuar se janë dhe shumë të bukur, ç’ka publikimet mbi këta aktorë, shtypi grek nuk e lë pas dore këtë dukuri gjenetike.
Të dashur dhe bashkëpunëtorë absolut me kolegët e tyre, ata janë sot Artistë të Preferuar dhe në vëmendjen e regjisorëve grek për realizime të reja kinematografike dhe televizive.
Ju urojmë nga zëmra të shkëlqejnë si Artistë në skenat Greke, tonat dhe kudo në mbarë botën!
Le të ndjekim renditjen e fotografive dhe sëbashku me të deklarata të shkurtra të tyre.
- Vasilis Mihas, është aktor me baba grek dhe mama shqiptare.
Ai deklaron:” Kam trashëguar punëtorizmin e Shqiptarëve. E adhuroj shumë si popull. Ata kanë një përulësi në punë dhe kjo është një trashëgimi e shkëlqyer. E flas gjuhën “.
- Daniel Nurka, lind në Shqipëri dhe në moshën 5 vjeçare vjen me familjen në Greqi. Një fëmijë i mbarë, i urtë, i dashur, nxënës shembullor, mëson shpejt gjuhën dhe e fiton modeling-u si dhe aktrimi. Ai bën debutimi në filmin televiziv me seri «Συμπέθεροι από Τίρανα» (Krushqit nga Tirana). Dhëndri i bukur nga Tirana do fitojë shpejtas zëmrat tona.
Ioannis Apergis vjen në Greqi së bashku me familjen në moshën 5 vjeçare. Ai do pozicionohet publikisht për vështirësitë e hasura në një shoqëri të huaj. Për herë të parë publiku do e shikojë në filmin televiziv me seri «Παρουσιάστε», me aktor protagonist të shquarin Ioannis Betzos. Ai do të luajë në mënyrë të përsosur rolin e një shoferi maune, të Elton Beja, i cili furnizonte një repart ushtarak. Fjalët e tij në shqip si: “zemra ime, shpirti ime…” që ja adresonte një vajze të bukur greke, do shkaktojnë të qeshura me shpirt jo vetëm nga aktrimi i bukur por dhe nga përpjekja për të dëshmuar dashurinë pa ditur gjuhën e huaj. Ai ka luajtur me aktorin e njohur komik Seferli si dhe është bërë i njohur nga një video në You Tube nëse do të vinte corona në Shipëri.
- Nikos Gelia, do të vijë me familjen në moshën 6 vjeçare në Athina nga Tirana. Do bëhet i njohur nga filmi i suksesshëm serial televiziv “Mavros Rodos”. Interpretimi i tij është i shkëlqyer, do pasurojë rolin me karakterin e tij aq të butë, shpirtdhëmbshur dhe me aq edukatë. Nuk do harroj fjalët e tij në një intervistë televizive: “Nuk lejoj që fëmija ime të shohë skenat e filmit që luaj tani. Është shumë i vogël për të parë babain e tij në ato skena. E vëmë në gjumë herët dhe kujdesemi që të mos i shohë. Kuptohet që fëmijët në shkollë, mësueset i flasin për babain tashmë kaq të njohur si artist në rol protagonisti”.
- Enke Fezollari, regjisori dhe artisti i shquar. Jeta e tij rrëfyer me aq nostalgji, hollësira nga ai vetë, të magjeps dhe të shton kërshërinë të mësosh rreth jetës së artistit tonë. Në Gusht të vitit 1993, pas tre përpjekjeve të dështuara me viza falso, ja arrin të vijë në Greqi. Mamaja e tij kishte studiuar për Filozofi në Tiranë dhe vjen për studime pasuniversitare në Athinë, më përpara se bashkëshorti dhe fëmijët e saj. Jetë shumë e vështirë si fillim. Mamaja e tij fillon të pastrojë shtëpi. Sot ndan jetën mes dy atdhe-ve të tij që nuk vdesin kurrë!
- Kostas Nikouli, është pa asnjë lloj hezitimi yll i kinematografisë Greke. Lindur nga prindër shqiptarë emigrantë në Greqi më 1 Tetor 1994. Babai i tij është mësues i frëngjishtes dhe nëna e tij inxhiniere ndërtimi. Ai studioi në shkollën dramatike “Dilos” të Dimitra Hatoupi. Luajti në filmin e Panos Koutrës “Xenia”. Debutoi në teatër më 2016 dhe në televizion më 2019. Ai mori çmimin : “Aktor i Ri me Debut të Parë Kinematografik” në Festivalin Ndërkombëtar të Filmit në Athina, së bashku me bashkëprotagonistin e tij Nikos Gelia. Në televizionin privat ai është shfaqur në seritë: “Fonises”, “Spiti Einai”, “Erotas meta”, “Familja”, “Bletët e Egra”, “42°C “(2021) dhe “Sasmos” (2021-2022). Në vitin 2022 ka marrë pjesë në serialin Alpha TV, ” Neoklasikët”.
- Aris Capi, do na mahnisi me debutin e tij si djali (artistik) i aktorit të shquar Ioannis Mpetzos në filmin me seri aq të bukur “Ευτυχισμένοι Μαζί” (Të lumtur sëbashku). Një rol i mrekullueshëm i një fëmije tepër të zgjuar por dhe shumë trazovaç. I bukur, me shikim të zgjuar, interpretim i mrekullueshëm. Aris do vijë vetëm 2.5 vjeç nga Shqipëria, nga Vlora. Përshkruan vështirësitë e rritjes dhe thekson me aq dashuri mungesën e nënës nga shtëpia, e cila punonte shumë vetëm e vetëm që të mos i mungonte asgjë tre fëmijëve të saj. Dëshiron të punojë ai shumë që të shplodhet nëna e tij, sikur dhe kur luante në këtë film, fitimi i derdhej në një llogari bankare që ishte me dy emra, të babait dhe të tijin.
*Selektoi dhe përpunoi për publikim, Anila Rezhda.
