Organizata GERMIN dhe fondacioni “Global Albanians” kanë çelur aplikimet për pjesëmarrjen në edicionin e dytë të programit OriginAl, Një program ky që ka për qëllim që të sigurojë një udhëtim falas edukativ në vendin e origjinës për të rinjtë e Diasporës.
Original u lancua në dhjetor të vitit 2021 me synimin për ti dhuruar një mundësi të rinjve me origjinë shqiptare në Diasporë që të zbulojnë rrënjët e tyre shqiptare.
Thirrja do të qëndrojë e hapur deri më 27 mars. Të rinjtë që do të përzgjidhen do të kenë mundësi që për dy javë (nga 2 deri më 16 gusht) të vizitojnë Kosovën dhe Shqipërinë.
Lexo edhe: “OriginAL”, programi që synon të lidh të rinjtë e Diasporës me vendet amë
Formën e aplikimit mund ta gjeni këtu: https://original.org.al/
Videon me udhëzimet se si të aplikohet e gjeni këtu:
Lexo edhe: OriginAL/ 40 të rinj nga Diaspora, 12 ditë në kërkim të rrënjëve shqiptare
“OriginAL” vjen pas 7 vitesh punë të GERMIN me të rinjtë e Diasporës në projekte të shumta, si dhe aktivitete të cilat kanë mbledhur dhe lidhur mbi 5000 profesionistë të rinj nga diaspora nga 24 vende të botës. Ndërkohë, puna e GAF gjatë pothuajse 3 viteve të fundit ka mundësuar mbi 400,000 dollarë donacione nga diaspora, prej të cilave janë mbështetur 50+ projekte të 35 organizatave lokale në Shqipëri, Kosovë, Mal të Zi, Maqedoninë e Veriut dhe Serbi (Lugina e Preshevës).
