Myrto Uzuni po kalon një sezon fantastik te Granada. Sulmuesi shqiptar po vazhdon shkëlqimin e tij në Spanjë edhe pas pushimit të Kombëtareve. Lojtari nga Berati ka dhuruar asist në minutën e 9 të takimit, ndërsa në të 27-n ka gjetur rrugën e rrjetës me një gol spektakolar me kokë.
Lexo edhe: Patriot si Myrto Uzuni, bën tatuazhin e ri me shqiponjë
Uzuni shkon në kutoën e 7 golave të shënuar për këtë sezon, duke udhëhequr listën e golashënuesve në La Liga 2. Granada po udhëheq me rezultatin 2-0 kundër Sportingut të Gijonit, ndërsa mbetet ende pa u përfunduar pjesa e parë.
Futbollisti u largua nga Shqipëria në moshën dhjetë vjeçare kur familja e tij vendosi të linte qytetin e Beratit për tu larguar drejt Greqisë.
“Ne shkuam për të pasur një jetë më të mirë. Babai im punonte me mirëmbajtjen e rrugëve ndërsa nëna ime lante enët në një restorant. Unë gjithashtu duhet të punoja. Ajo më ndihmoi. Do të bëja 12 orë dhe do të luaja futboll, edhe nëse do të duhej të çohesha në orën 06.00. Unë nuk rreshta kurrë për ëndrrën time”, ka rrëfyer më herët gjatë një interviste ai.
Lexo edhe: Historia/Uzuni, djali që lante enët dhe dëshironte të ishte si Cristiano Ronaldo
