Tatuazhet tashmë janë diçka normale në shoqërinë që po jetojmë dhe futbollistët janë ndër njerëzit që i preferojnë më shumë. Edhe në radhët e kombëtares ka lojtarë që kanë tatuazhe në trup. I fundit që ka bërë një të tillë është Myrto Uzuni.
Sulmuesi zgjodhi të bëjë një shqiponjë në gjoks. Artisti Selim Çela ishte ai që mori përsipër të pikturonte një kryevepër në trupin e lojtarit.
Këtë moment Uzuni e ka ndarë me fansat në rrjetin social “Instagram”. Panorama Sport ka mësuar se procesi zgjati 4 orë dhe kostoja e tatuazhit shkoi në 800 euro.
26 vjeçari tashmë ka simbolin e kombit shqiptar të gdhendur në trupin e tij.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
