Një ditë në Mjediset parashkollore të Hylon Daycare është e pamjaftueshme për të kuptuar atë makrobotë fëmijënore që jeton aty , por një ditë në ato mjedise shërben mjaftueshëm për të parë dhe ndjerë paqen që mbështjell ai univers fëmijënor me dëshirat, lodrat, edukimin, argëtimin, zbavitjen dhe aktivitetet që ndodhin çdo çast aty.
“Nuk është e lehtë të menaxhosh tërë atë intensitet “ – shprehet drejtuesja e këtij institucioni edukimi zonja Frosina Shtëmbari Agushi.
Frosina ka studjuar Matematkë dhe Fizikë në Shqipëri , dhe prej më shumë se 25 -vjetësh jeton në Amerikë .Ajo mendon se duke ndihmuar fëmijët , familja ndjehet më e sigurt , prindërit fitojnë liri për të ushtruar punën dhe profesionin pse jo dhe karrierën e tyre
E pohoj me siguri këtë konstatim të saj pasi e dij mirë se sa e vështirë êshtë rritja e fëmijëve pa kujdesin e enteve të tilla sociale dhe edukative.
Shkolla që ajo drejton tashmë prej 8 -vitesh ka një program shumëplanësh edukativ dhe zbavitës që aplikohet falë stafit të liçensuar në shtetin e Nju Jorkut dhe përkushtimit maksimal si dhe kualifikimit të vazhdueshëm .
Mjediset fizike që shkollës të japin menjëherë përshtypjen e punës sistematke e kreative si dhe të rregullit e disiplinës .
Fëmijët janë të sigurtë në këto mjedise dhe për këtë janë të bindur edhe prindërit të cilët janë pjesë e pandarë e shumë fazave të edukimit ku përfshihen ;festat, argëtimet, organizimet e ndryshme e sistematike që janë të planifikuara në çdo fillim viti akademik.
Shkolla siguron edhe programe verore në mënyrë që edukimi përmes zbavitjes të mos ndalojë kurrë dhe fëmijët të jenë aktivë edhe gjatë verês.
Fëmijët socializohen me njëri-tjetrin, të folurit aplikohet , gjuha angleze për shumë fëmijë të sapo ardhur nga vende të tjera të botës promovohet e në këtë mënyrë nxiten aftësi dhe kreativitet që në moshë të hershme dhe promovohen ato .
Edukimi i hershëm në Amerikë është një proçes mësimor i cili ka prodhuar një kontigjent fëmijësh që mbartin një botë gjigande brenda trupthit të tyre të vogël dhe qëllimi i kësaj shkolle është nxitja e shoqërizimit dhe mos mbetja para ekratit të mediave të informacionit çka êshtë dhe trendi i kohëve të fundit .
E ke të pamundur të prekësh me sy aktivitet e panumërta që veshin e stolisin mjediset e shkollës e cila mirpret fëmijët nga mosha 3-5 vjeç , por nuk ke se si të mos ndjehesh i lumtur si ata kur ndjen se aty brenda fëmija yt, ynë , i tyre jeton orë të programuara e të aplikuara me aq mençuri falë familjes Agushi ( Frosina, Cindy dhe Artur) , stafit të mrekullueshëm edukativ , fëmijëve dhe prindërve .
Teksa mjediset e shkollês zgjerohen nga viti në vit nxitur nga nevojat e komunitetit përreth, Frosina mendon se ndjenja e përgjegjsisë dhe detyrimit për të ruajtur cilësinë në edukim mbetet vizioni dhe misioni i tyre..
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
