Ruzhdi Ibrahimi, ekspert në fushën e politikës sociale, ka edhe një dhunti pak sa më të veçantë: foton artistike edhe atë kryesisht dedikuar shpezëve në fluturim, gjë që se sa është e vështirë kjo, këtë e dinë më së mirë mjeshtrit e këtij profesioni dhe adhuruesit e këtij pasioni.- E rëndësishme është se fotot e Ruzhdiut edhe në ekspozita prestigjioze vlerësohen lartë, kështu dy ditë më parë, në ekspozitën fotografike «Swissphotoclub» SPC në Cyrih, fotografia e tij shkrepur shqiponjës së detit bishtbardhë me titullin «Ballë për ballë» fitoi vendin e tretë nga publiku.
***
Vetëm një ditë para se të mbyllej ekspozita e “Swiss Photo Club” në Cyrih, (Galerie Photobastei, Sihlquai 125, 8005 Zürich), e hapur më 23 qershor 2022, pata rastin që atë ta vizitoj me fotografin e mirënjohur, Afrim Nevzadi, bashkëpunëtor të portalit “prointegra.ch”. Me të arritur në këtë ekspozitë, ku kishin ekspozuar me dhjetëra fotografë të njohur, mbetëm më se të kënaqur që në mesin e tyre gjendeshin edhe fotot e dy autorëve shqiptarë: Senad Halimit me titullin: “Vetmia sociale” si edhe fotografia e shkrepur shqiponjave të detit me titullin “Ballë për ballë”, me autor Ruzhdi Ibrahimi. Edhe atë bashkë me 50 fotografi të autorëve të tjerë të formatit të madh. Ishte kënaqësi që po në atë ekspozitë edhe mikeshën zvicerane, Barbara Burri, që po ashtu ka pasion fotografinë, si dhe fotografin e sapo pensionuar zviceran, Jans Jörg Müler , i cili na tha se mosha dhe pensioni nuk do ta pengojë që edhe më tej ti përkushtohet fotografisë, bile si pasion.
Dhe dje kur ka përfunduar mbyllja e ekspozitës dhe shpallja e rezultateve, nga fb i Ruzhdi Ibrahimit mësojmë edhe këtë lajm të gëzueshëm jo vetëm për te :
“Jam i lumtur të ndajë një lajm të mirë me ju. Falë vlerësimit dhe mbështetjes së vazhdueshme të adhuruesve të fotografisë sime, sot në kuadër të ekspozitës fotografike «Swissphotoclub» SPC fotografia ime e shqiponjës së detit bishtbardhë me titullin «Ballë për ballë» fitoi vendin e tretë nga publiku.
I uroj të gjithë fituesit dhe i falënderoj pafundësisht të gjithë ata që më mbështetën për realizimin dhe ishin në ekspozetë për të votuar për fotografinë time!”.
Edhe për ne që ishim për të votuar shikuar por edhe votuar në këtë ekspozitë, ku u përpoqëm të japim vota sa më reale e meritore sipas kandarit tonë, na vjen mirë për shpërblimin e e fituar nga Ruzhdiu, me dëshirën që ai të mos ndalet, aq më parë që mesa duket këtë nuk e bën vetëm prej pasionit por edhe dashurinë ndaj zogjve, sidomos si në këtë rast shpendit që është edhe simbol i flamurit tonë kombëtar.
Me këtë rast krahas fotove që shkrepi Afrimi dhe unë, huazova edhe disa nga fotot e Rezhdiut nga fb i tij, ku shihet se si me një grup fotografësh shqiptarë ka shkrep edhe foto tejet mbresëlënëse të pelikanit në fluturim mbi Adriatikun shqiptar.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
