Aktori Bekim Fehmiu ishte shqiptar, por i takon mijëra adhuruesve në tërë botën. Një aktor brilant, mes vezullimit hollivudian, kryeroleve të pavdekshëm dhe polemikës nacionaliste

Fëmijëria e 40 vjeçarëve të sotëm, do të kishte qenë vërtet e mangët, nëse kinemasë botërore, do t’i mungonte “Odisea” e Bekim Fehmiut. Aktori i madh shqiptar ndërroi jetë më 15 qershor 2010, duke lënë pas një karrierë të pasur artistike.

Lexo edhe: Video / Janar 1972, Aktori Bekim Fehmiu vizitonte Muzeun Historik në Krujë

“Mbledhësit e Puplave”, është filmi që e bëri të famshëm aktorin gjigand Bekim Fehmiu. Filmi është xhiruar në vitin 1967, i bazuar në stilin e jetesës së romëve në veri të Vojvodinës.

Rrëfimi përfshin tema komplekse si dashuria, raportet ndëretnike dhe sociale. “Mbledhësit e Puplave” konsiderohet si kryevepër e kinematografisë jugosllave, kurse aktrimi i Fehmiut është cilësuar brilant.

Lexo edhe: Fotot e rralla nga vizita e aktorit Bekim Fehmiu në Shkodër

Filmi ka qenë i nominuar për Çmimin Oscar në kategorinë e filmit më të mirë të huaj, ndërsa ka fituar Çmimin Special të Jurisë në Festivalin e Cannes.

Në filmin e vitit 1967 aktori shqiptar Bekim Fehmiu luante rolin e një romi.

Filmi 94 minutësh tregon mbi jetën e ciganëve dhe romëve në Jugosllavi, ndërsa krahas Bekimit, në rolin e Beli Pora Perjar, luan edhe Olivera Katarina e Bata Zhivojinoviq.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.