A ka gëzim më të madh se t`iu urosh ditën e tyre fëmijëve, të cilët janë shpresa e këtij planeti. A ka rast më të mirë se të lutesh për ta, duke kërkuar që ata,  të jenë gjithmonë të buzëqeshur, gjithmonë të lumtur dhe shpresëdhënës sepse vetëm në këtë mënyrë ka shpresë në këtë botë.

Dhe natyrisht lutemi për fëmijët shqiptarë kudo ku janë në atdhe apo në botë që të kenë një jetë sa më të lumtur nën përqafimet e ëmbla të prindërve të tyre sepse e kaluara për shumë fëmijë të dikurshëm ka qenë shumë e errët dhe me gjithë dramacitetin e saj. Kjo ditë na përkujton fëmijët shqiptarë që janë rritur nën thundrën e hekurt të pushtetit jugosllav. Apo duke përkujtuar një nga faktet e shumta të atij gjenocidi, 1392 fëmijë shqiptarë të vrarë vetëm në luftën e  fundit në Kosovë, për të cilët ende nuk ka drejtësi. Apo duke kujtuar fëmijët ukrainas dhe kudo në botë, fëmijët të cilët tmerrohen nga një luftë e çmendur, nga dora e tyre që pretendojnë toka!

Dhe në fund jam i obliguar t`i përgëzoj të gjithë nxënësit  e shkollave shqipe në Zvicër, të cilët nën përkujdesjen e prindërve të tyre e mësojnë, e ruajnë dhe e zhvillojnë gjuhën dhe kulturën kombëtare.

Gëzuar fëmijë të dashur!

Dr. Vaxhid Sejdiu – mësues dhe koordinator i “Shkollës shqipe” në Zvicër

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.