Në Mbretërinë e Bashkuar të Suedisë jetojnë dhe veprojnë ndoshta diku mbi 60 000 shqiptar nga të gjitha trojet shqiptare. Shqiptarët në bazë të statistikave që ekzistojnë në këtë vend Skandiv kanë mërgua që herët, por vitet ‘90-të janë ato të cilat kanë sjellë numër shqiptarësh në veriun e largët këtu duke u detyruar ta lenë vendlindjen nga dhuna dhe nëpërkëmbja e pushtetit të kohës.

Kultura dhe tradita çdo herë është vendimtare në sjelljen dhe integrimin e  njeriut në një mes të ri, në vend dhe ambient të ri. Kështu është shqiptarët me një kulturë dhe traditë ia kanë dalë që të integrohen në shoqërinë ku jetojnë. Këtu kemi të bëjmë me njerëz të cilët kulturën dhe traditën shqiptare e kanë në shpirt dhe zemër dhe në bazë të kësaj kanë fitua edhe mbështetjen dhe përkrahjen e shtetit dhe vendasve në integrimin në sistemin e jetës dhe punës.

Qyteti Borås vitin e kaluar festoi 400 vjetorin e themelimit të tij ku në mënyrë madhështore u festua kjo ditë e shenjtë për boråsarët pa marrë parasysh cilit nacionalitet i takojnë.

Kështu edhe Qendra Kulturore Shqiptare ”Migjeni” e cila ka selinë e saj në këtë qytet dhe zhvillon aktivitetin e saj kulturor dhe shpirtëror në ruajtejn dhe kultivimin e gjuhës, kulturës dhe traditës shqiptare mori pjesë aktive me anëtaret e saja në këtë të kremte madhështore.

QKSH ”Migjeni” vitin e kaluar kishte dy festa. Festën e 400 vjetorit të themelimit të qytetit Borås si dhe 10 vjetorin e organizimit nga ana e QKSH Migjeni të Festivalit Ndërkombëtar të Pozisë ”Sofra poetike në Borås”.

Anëtarët e QKSH Migjeni ishin aktiv me shumë aktivitete kulturore në këtë të kremte e ajo madhështorja ishte Festivali i X Ndërkombëtar i Poezisë i cili në tërësi iu kushtua këtij manifestimi.

Këshilli Bashkiak i qytetit Borås për këtë angazhim dhe këto aktivitete me të cilat QKSH Migjeni kishte kontribuar në shënimin e këtij Jubileu madhështor të qytetit të Borås para ca ditës të gjithë anëtarëve të Kryesisë se QKSH Migjeni u kishte nda: DIPLOMË NDERI, për kontributin e dhënë (Sokol Demaku, Hamit Gurguri, Rizah Sheqiri, Anxhela Ziso, Bahtir Latifi dhe Qerime Gurguri).

Kjo është edhe një shtytje për këta entuziast që në mënyrë edhe me të denjë edhe në të ardhmen të jenë edhe më aktiv në paraqitjen e të arriturave të shqiptarëve në këtë vend Skandinav dhe në ruajtjen dhe kultivimin e bashkëpunimit kulturor me vendasit, krijimin e  rrugëve të bashkëpunimit mes kulturave dhe njerëzve.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.