Në fillim të dhjetorit në Sofje të Bullgarisë u mbajt edicioni I VII-të i Çmimeve Ballkanike të Industrisë së Turizmit (BATI), një event i kompanisë prestigjoze vendase Vip Comunication, e cila në portofolin e saj profesional përfshin një sërë aktivitetesh të përmasave ndërkombëtare e kombëtare, që evidentojnë subjektet më të spikatura në industrinë e turizmit, ne sektorin e proanve të patundshme, bizneseve “luxury”, sipërmarrjeve mjekësore e atyre të shëndetit etj.

Në eventin e rëndësisë së veçantë, ishin të pranishëm autoritete të larta të turizmit vendas, kryetarë të shoqatave të turizmit, ambasadorët e Shqipërisë dhe Kosovës dhe gazetarë të mediave të njohura në vend.

Shqipëria ishte për herë të parë në këtë ngjarje, duke ia shtuar larminë ballkanike festivalit dhe duke e bërë shumë më interesante të gjithë ceremoninë, bashkë me Kosovën.

Vlerësimi i subjekteve më të spikatura të turizmit në Ballkan, kandidate të këtyre çmimeve, u shoqërua me një fushatë në media, ku u nxorën në pah secili prej tyre, me veçoritë dhe vlerat përkatëse në tregun turistik, duke u kthyer në një reklamë shumë të mirë në mjedisin ballkanik, interesi për të cilin është shtuar mjaft vitet e fundit.

Travel Magazine ishte këtë vit pjesë e kësaj fushate mediatike, si media partner i edicionit të VII-të, për trevat shqipfolëse ne rajonin e Ballkanit. Ajo gjithashtu u nderua edhe me çmimin special të edicionit, atë të promotorit për turizmin e qëndrueshëm. Subjekte të tjera shqiptare që u nderuan me çmime në këtë festival ishin edhe Te Stela Resort, Nevila Dudaj si individ nga Adriatik Hotel Durres, Morina Palace ne Dhërmi dhe Pinea Resort në Malin e Robit. Eventi gjithashtu vlerësoi me çmime edhe subjektet turistike nga Kosova, Emerald Hotel, Ambasadën e Kosovës, G Hotel nga Maqedonia e Veriut etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.