Quhet Kastriot Shkreta. Nuk është hera e parë që shoqata shqiptarëve të San Benedetto del Tronto shkruan për shqiptarin e suksesshëm. Ndjehemi krenar dhe shumëkush e sheh si shembull që me punë mund t’ia dalësh.
Kastrioti nuk është vetëm punëtori më i thjeshtë i biznesit të tij, por ai është në të njëjtën kohë edhe sipërmarrës i biznesit të tij prej vitesh të suksesshëm. Punon sepse nuk mundet të qëndrojë tek i sheh punëtorët e tij të punojnë.
E sheh veten si punëtor të thjeshtë edhe pse ai është një sipërmarrës i mirënjohur në San Benedetto del Tronto dhe më gjërë.
Ai gjen kohë të jetë familjar shembullor. Ai gjen kohë të jetë mik i mirë i shokëve të mirë me të cilët shpesh konsumon dhe kafe me to. Ai gjen kohë për të të dhënë kurajo edhe kur ti je një emigrant i ri në zonë.
Ai gjen kohë të angazhohet duke dhënë kontributin e tij në shoqatën shqiptare të San Benedetto del Tronto.
Ai gjen kohë edhe të mos e harrojë Shqipërinë vend nga i cili mori vetëm vendlindjen, por edhe pse shtetas italian ai nuk e harron për as një moment se është shqiptar. Në mes të fluksit të punës udhëton drejt fshatit të tij të lindjes Derven për të inaguruar QendrënuShëndetësore godinë e kthyer në parametra bashkëkohore pas gjendjes jo të mirë në të cilën ai e gjeti ditën që shkoi të vizitonte të ëmën pas një problemi shëndetësor. U mor në çdo detaj në pregatitjen e dokumentave të duhura, me financimin e tij personal, ofroi forcën e tij punëtore bashkë me punëtorë të cilët ai vetë i pagoi dhe në fund pas qetësimit të pandemisë shkon dhe bën inagurimin ashtu siç i ka hije traditës shqiptare.
Kastrioti nuk ndalet me aq. Me kontributin e tij personal ideon vendosjen e bustit të Nënë Terezes si ikonë me të cilën shqiptarët identifikohen edhe në dhe të huaj dhe në bashkëpunim me Shoqatën Shqiptare të San Benedettos merr në institucionet italiane lejen për të vendosur këtë bust.
Zotëria shqiptar është i kudo gjindshëm duke ofruar kontributin e tij financiar në të gjithë aktivitetet e shoqatës.
Për Shoqatën shqiptarëve të San Benedetto del Tronto është krenari të ketë figura të tilla në aktivitetin e saj.
Ai është miku i mirë i punëve të mira shqiptare.
Nga Elona Jushi Pasha
Gazetare e Shoqatës së shqiptarëve të San Benedetto del Tront
