Ka përfunduar me sukses sezonin e shfaqjes premiera shqiptare në teatrin “Stathmos” në Athinë “Vendi ku nuk vdiset kurrë”. Pjesa në dy gjuhë (dhqip dhe greqish) me autorësi të plotë shqiptare (regji Enke Fezolarri, autor Ornela Vorpsi) u shfaq për gjatë gjithë muajit tetor, ku u mirëprit nga publiku grek dhe ai shqiptar.
Në shfaqjen fundit ka qenë e pranishme dhe autorja Ornela Vorspi e cila ka ndarë me publikun jo vetëm ndjesitë e kësaj shfaqjeje por edhe historinë e saj, pjesë nga e cila janë përfshire në shfaqje. Vorpsi gjatë bashkëbisedimit me publikun pas shfaqjes tregoi mirëkuptimin e saj për popullin grek e çdo vend tjetër ku banojnë shqiptarë për opinionin që shprehin për emigrantët.
Lexo edhe : Premiera e “Vendi ku nuk vdiset kurrë”, publiku shqiptar mbush sallën
Uljen e fundit të siparit të shfaqjes, sikurse dhe të premierës e duartrokitë edhe anëtaret e Lidhjes së Gruas Shqiptare në Greqi, (Ένωση Αλβανίδων Γυναικών στην Ελλάδα).
“Shfaqja ishte një pasqyrë e asaj çfarë ka jetuar brezi ynë, na u rikujtua ato vite plot paragjykime për gruan, që me dhimbje e them akoma dhe sot e ruajnë disa emigrantë edhe pse jetojnë e punojnë prej 30 vitesh në vende evropiane e më gjerë“, thotë për “Diaspora Shqiptare”, Mirjana Hasalla Kryetarja e Lidhjes se Gruas Shqiptare ne Greqi (Ένωση Αλβανίδων Γυναικών στην Ελλάδα).
Në sallën e mbushur pothuajse plotësisht kurioziteti për një vepër shqiptare nuk kishte shtyre vetëm publikun grek apo shqiptarët e emigruar në vitet ’90 e më pa, por Edhe fëmije e brezit të parë të emigrantëve të lindur në Greqi.
Lexo edhe: Vefi Redhi, nga Shqipëria në Greqi, një jetë në skenë
“Po erdhën në shfaqje dhe shumë të rinj djem e vajza, fëmijët tanë të brezit të dytë. Ishte vetë interesi i tyre të mësonin. Ju pëlqeu dhe besoj së e kuptuan plotësisht pasi shfaqja interpretohej në të dyja gjuhët” tregon Hasalla.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
