Ambasada Shqiptare në Vjenë ka pritur në mjediset e saj përfaqësues të Shoqatës së Mësuesve Shqiptarë në Austri “Naim Frashëri”, të kryesuar nga znj. Miradije Berishaj, Kryetare e shoqatës.

Në këtë takim u shkëmbyen mendime rreth procesit të mësimdhënies së gjuhës shqipe në Austri dhe sfidave me të cilat përballet ky proces. Përfaqësuesit e shoqatës shprehën vlerësimin për mbështetjen nga shteti shqiptar dhe Ambasada e Republikës Shqipërisë në Vjenë, për ndimën e ofruar në vazhdimësi, dhe posaçërisht në pajisjen me tekste shkollore për nxënësit, që po kontribuon dukshëm në ruajtjen e gjuhës shqipe.

Tekstet mësimore do të përdoren nga mësues e nxënës aty ku zhvillohet mësimi i gjuhës shqipe, përkatësisht në Vjenë, Austrinë e Poshtme, Vorarlberg, Steiermark, Kärnten.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.