Pianisti shqiptar Ekland Hasa, ka ngritur një karrierë të suksesshme artistike në skenat evropiane. Ai është një nga organizatorët e eventit muzikor, i cili do të mbahet më 4 shtator 2021, në teatrin “San Xhakomo” Bolzano, Itali. Ky koncert organizohet në nder të 30-vjetorit të emigracionit shqiptar, ku do të interpretojnë mjaft artistë të mirënjohur shqiptarë me banim brenda dhe jashtë Shqipërisë

“Jam i lumtur të njoftoj koncertin tonë të madh më 4 shtator në Bolzano. Kam pasur nderin të më marrin në konsideratë kolegët e shquar si Josif Gjipali, Manjola Nallbani, Kastriot Tusha, Nevila M Hasa, Sajmo Saimir Sula, Luka Shkoza, Marco Rossi dhe të ndaj me ju gjithë këtë përvojë të bukur dhe unike të lindur gjatë një transmetimi në “Dritare e hapur” me Mirela Tomassini, krijuese e kësaj ngjarje me realizimin konkret të Kooperativës “Edu Art” e cila shkon falënderimet tona më të sinqerta, ju presim në San Giacomo më 4 shtator në orën 18:00 kaloni një mbrëmje të bukur me muzikë të kulturuar , me këngëtarët më të mirë shqiptarë brenda dhe jashtë Shqipërisë”, shkruan pianisti shqiptar në Facebook.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.