Dominik Bajraktari, është një 15-vjeçar shqiptar, i cili jeton në Malmoe, Suedi. Bajraktari ka një nga rolet kryesore në filmin “I am Zlatan”, projekt kushtuar futbollistit të mirënjohur suedez Ibrahimoviç.

Në intervistën e tij të parë në karrierë, Dominik tregon rreth jetës larg vendit të origjinës dhe eksperiencës në kinematografi. Artisti i ri shprehet, se në provën e parë ai nuk ishte pranuar nga komisioni përzgjedhës dhe vetëm pas tentativës së dytë, arriti të fitojë rolin në film.

“Isha në shtëpi kur më nisi vëllai këtë njoftimin që kërkonin aktor të rinj për këtë dhe shkova. Nuk më pëlqyen në provën e parë dhe në të dytin më pëlqyen”, tregon Dominiku,

Ai thotë se i pëlqen shumë futbolli dhe Zlatani ka qenë një mundësi e mirë dhe ndjesi e madhe për të qenë pjesë e këtij filmi. Ai ka treguar se u është dashur të xhironin dhe natën, kishte vështirësitë e veta por ishte një eksperiencë shumë e bukur.

Filmi del më 10 shtator dhe krahas Dominik që luan Zlatanin e vogël, do të jetë dhe 21-vjeçari Granit Rushiti si ai pak më i madh në moshë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.