Këtë fundjavë nën organizimin e “Shkollës Shqipe” në Zvicër dhe me mbështetje të Ambasadës së Republikës së Shqipërisë në Bernë,  u zhvillua konkursi “Shkolla Shqipe – Zvicër 2021”. Organizim i cili për herë të parë u zhvillua online në platformën “Zoom” për shkak të pandemisë.

Në këtë konkurs morën pjesë 129 nxënës, të shoqëruar nga prindërit e tyre.

Në programin e udhëhequr nga mësuesi Vaxhid Sejdiu, nxënësit morën pjesë në tre disiplina, lexim, recitim dhe këndim.

Programi zgjati dy orë të plota. Të parët filluan ata të cilën ishin të përcaktuar në fushën e leximit

Pas pjesës së leximit, ishte ajo e recitimit dhe ajo e këndimit, ku nxënësit dëshmuan edhe njëherë se janë artistë të vërtetë.

Dhe në fund anëtarët e komisionit, mësuesit e shkollave shqipe ( Isuf Ismaili, Mimoza Dako, Qefsere Sejdiu, Teuta Myrtaj, Ardjan Shaqiri, Nora Macula, Anita Duriçi, Liljana Doda – Gojani, Boralda Kuçi, Nazmije Kamberi, Arbresha Zimberi, Shkelzime Kurtaj dhe Jonida Bërdëllima) përgëzuan nxënësit për përkushtimin e tyre, edhe pse të gjithë ishin të mirëKomisionet dhanë këtë vlerësim: në kategorinë e leximit fituesit ishin: Ardita Kaliqi (Spreitenbach), Xhemali Elshani (Fällanden) dhe Alea Halimi (Neuenhof). Në atë të  recitimit: Gentonis Shala (Uster), Kjara Rashiti (Domat Ems) dhe Iad Ajgeraj (Bern), si dhe në kategorinë  e këndimit: Gresa Shala (Uster), Erina Lumani dhe Leona Malo (Rüti) dhe Anina Kurtaj (Bern).

Shkolla Shqipe në Zvicër ka 51 klasa me mbi 800 nxënës të rregullt në  14 kantone të Zvicrës dhe me përkushtimin e vazhdueshëm drejt shkollave të reja.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.