Shteti i dytë më i populluar në Australi, Victoria, ku jetojnë dhe shumë shqiptarë do të hyjë në një karantinë një javore duke detyruar afro shtatë milion banorët e saj të qëndrojnë në shtëpi, teksa vetëm bizneset thelbësore do të lejohen hapur.

“Kemi të bëjmë më një shpërthim që po infekton shumë persona dhe po përhapet më shpejt seç e prisnim,” – tha kryeministri në detyrë i Victoria, për gazetarët në Melburn.

“Nëse nuk merren masa drastike, kjo gjë do të bëhet gjithnjë e më e pakontrollueshme,” – shtoi ai.

Metoda e gjurmimit të kontakteve ka identifikuar deri më tani, më shumë se 10 mijë kontakte të cilat do të duhet të karantinohen, ndërkohë autoritetet shëndetësore kanë konfirmuar se numri do të vijojë të rritet dhe të ndryshojë, duke qenë se dyshojnë se varianti indian i virusit COVID-19 ka një përhapje më të madhe.

Njerëzit do të lejohen të dalin nga shtëpitë vetëm për punë shumë të rëndësishme, kujdes shëndetësor, Pazar ushqimesh ose për të bërë një vaksinë të coronavirusit.

Ditën e enjte Zelanda e Re zgjati marrëveshjen me shtetin Victoria për udhëtimet pa karantinë deri më 4 qershor duke argumentuar rrezikun e lartë për shtimin e numrit të infektimeve, ndërsa shtetet dhe territoret australiane iu përgjigjën bllokimit duke vendosur rregulla më të ashpra kufitare për udhëtarët nga Victoria.

Ministri i Reagimit të COVID-19 në Zelandën e Re, Chris Hipkins tha se të gjithë ata që kishin vizituar Melburnin që nga data 20 maj duhet të izolohen në shtëpitë e tyre.

Shteti Victoria ka kaluar një nga karantinat më të rrepta dhe më të gjata në botë vitin e kaluar, me qëllim parandalimin e një vale të dytë të COVID-19. Në këtë shtet janë përcaktuar dhe 90% e vdekjeve totale të Australisë që nga fillimi i pandemisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.