Më datë 20 maj, dy shqiptarë do të ndezin skenën e “Eurovision”. Anxhela Peristeri dhe Gjon’s Tears janë pjesë e natës së dytë të gjysmëfinales europiane.

Gjon’s Tears përfaqëson Zvicrën me këngën “Tout l’Univers””, një këngë e cila është vlerësuar maksimalisht, ndërsa Anxhela Peristeri përfaqëson Shqipërinë me këngën “Karma”. Me këngën e saj pritet që Anxhela të ndezë skenën e madhe të “Eurovizionit”. Mbrëmjen e nesërme ajo do të jetë e 11-ta në radhë për të performuar.

Mbrëmjen e djeshme u mbyll nata e parë e festivalit më të madh muzikor në Evropë “Eurovizion”.

Nga 16 shtete që kishin të drejtë të performonin, vetëm 10 shtete arritën të sigurojnë një vend në finalen e madhe më datë 22, ku do të dalin në skenë sërish Norvegjia, Izraeli, Rusia, Azerbajxhani, Malta, Lituania, Qipro, Suedia, Belgjika dhe Ukraina.

Kujtojmë se “Eurovision” nata finale mbahet më 22 maj në Roterdam.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.