Kreu i Komisionit Zgjedhor të Zgjedhjeve, Ilirjan Celibashi, i ftuar në “Absolut4” foli për procesin e dështimin të  votës së Diasporës në zgjedhjet e 25 prillit. Celibashi theksoi ndër të tjera se këto zgjedhje janë shumë delikate dhe KQZ nuk donte  të vinte në diskutim kredibilitetin e këtij procesi, nëse të gjitha palët nuk do të binin dakort për votën e Diasporës.

“Nuk është se është vetëm përgjegjësi e qeverisë, sepse qeveria përfaqëson vetëm një pjesë të politikës. Me ndryshimet e fundit në kushtetutë qeveria ka vendosur lejimin e të drejtës së votës së Diasporës atje ku ka vendbanimin, por në mungesë të rregullave të detajuara kjo ka qenë e pamundur për KQZ, ndaj ky projekt shkoj drejt dështimit.

Nëse palët politike do të ishin dakortësuar me procedurat që ne propozuam me regjistrimin e atyre që do të votonin aty ku kanë bashkëpunimin, mbase koha nuk do ta kishte atë efekt që pati, por u pa qartë se mungonte dakortësia e palëve në këtë proces. Mungonte dakordësia e palëve në këtë proces. Procesi ishte shumë kritik dhe këto zgjedhje po ashtu. Ne nuk donim të vinim në diskutim kredibilitetin e këtij procesi, pasi njëra nga palët nuk do ta pranonte”.

Ky ishte argumenti që dha Ilirjan Celibashi, Komisioner Shtetëror i Zgjedhjeve, për dështimin e realizimit të procesit të votimit në zgjedhjet e 25 prillit nga Diaspora.

Edhe pse ishte premtim prej vitesh nga të dyja palët, edhe këtë herë shtetasit shqiptarë që jetojnë jashtë Shqipërisë nuk do të jenë në gjendje të hedhin votën e tyre në zgjedhje.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.