Rei Manaj vazhdon të tregojë formë të mirë me Barcelonën B në Divizionin 2 në Spanjë, teka ditën e sotme ka gjetur përsëri rrugën e rrjetës.

Futbollisti nga Lushnja ka shënuar golin ë parë për katalanasit në minutën e 41’, duke i hapur rrugën përmbysjes së skuadrës së tij në sfidën ndaj Llagostera, që kishte shënuar dy herë, me Kortes në minutën e 19’ dhe Gil në minutën e 34’.

Manaj pasi merr një top në zonë, ia del që me forcë ta mbrojë, për ta dërguar më pas në fundin e rrjetës. Ky është goli i tetë për Manajn me Barcelonën B këtë sezon, me sulmuesin e Kombëtares që vazhdon të tregojë një formë të shkëlqyer.

Ndeshja u mbyll me fitoren 4-2 të Barcelonës, që në pjesën e dytë shënuan plot 3 herë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.