Roxane Gjoni me profesion avokate rrëfen se ka shkuar që e vogël në Francë ndaj edhe nuk ndjen diferenca kulturore mes të rinjve francezë dhe atyre shqiptare, por me shumë humor i ndan ata në dy kategori.

“Unë në fakt kam pasur në rrethin tim shqiptar dhe nuk arrij të shohë diferencë se janë rritur këtu në Francë. Nuk mund ta krahasoj me një të ri që është rritur këtu me kulturën dhe një shqiptar që sapo ka ardhur”, ka rrëfyer Roxane.

Ajo thotë se ka shkuar e vogël me familjen në Francë dhe është dashur të integrohet për rrugëtimin e saj dhe sot është një avokate e suksesshme.

“Unë kam shkuar me familjen, kam qenë e vogël kur kam mbërritur në Francë dhe pastaj është dashur të integrohem dhe kam arritur rrugëtimin derisa kam mbërritur të gjejë një profesion që më korrespondon dhe tani jam duke ushtruar profesionin si avokate këtu në Lion. Të rinjtë në Francë nuk i gjen të jetojnë me prindërit, ndahen prej tyre shumë herët dhe vazhdojnë rrugëtimin e vet. Normal që prindërit janë gjithmonë pas nëse ke probleme por gjithësesi këtu është si kulturë që njerëzit sa më herët të lëvizin me krahët e tyre. Të rinjtë këtu kanë shumë programe lëvizje jashtë shtetit, si Erasmus etj. Të gjithë kemi të njëjtët prindër, janë shumë të dhënë pas fëmijëve dhe kërkojnë ta mbajnë fëmijët e tyre aty, por prindërit shqiptarë janë ambientuar”, thotë ajo në Boeing.

Ajo rrëfen se udhëtimet e saj nëpër botë nuk e kanë lejuar që t’i japë Shqipërisë kohën e duhur, por në planet e saja ishte edhe një udhëtm i gjatë nga veriu deri në jug të vendlindjes së saj, Shqipërisë.

“Në Shqipëri është bërë shumë kohë që nuk kam ardhur, problemi është që jeta rrjedh dhe nuk kam pasur mundësi, kam lëvizur në vende të tjera. Por shumicën e familjarëve i kam jashtë vendit, kam vetëm hallën time që është në Shkodër. E kam planifikuar të vija vitin që shkoi, me vërtetë që kisha rezervuar në prill po nuk u bë për shkak të COVID. Sa të fillojnë lirimet e qarkullimit normal që do vij në Shqipëri. Do vizitoj të gjithë vendin prej jugut në veri sepse kam ikur e vogël dhe skam pas rastin të vizitoj shumë vende dhe është mëkjat të mos njohësh vendin tënd kështu që do vij”, vijoi më tej.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.