“Shoqata Mjekësore Shqiptaro-Amerikane” në bashkëpunim me “Organizatën Kosovare të Studentëve të Mjekësisë” me datë 7 dhjetor 2020 organizojnë webinar me temë “Raport nga linja e parë”.
Panelist në këtë takim do të jenë Nora Gashi, Presidente e “Shoqatës Mjekësore Shqiptaro-Amerikane” dhe drejtuese e skuadrës COVID-19 të AAMS dhe Dr. Lorena Polo, mjeke e sëmundjeve infektive dhe pjesëtare e skuadrës COVID-19 të AAMS.
Dr. Gashi është diplomuar për mjekësi në Universitetin e Prishtinës pastaj përfundon intershipin trajnues në Spitalin Universitar të Kosovës dhe Qendrën Mjeksore “Beth Israe” në New York. Ka punuar gjatë fazës së parë të shpërthimit të pandemisë së Koronavirusit në spitalin “White Plains” në New York dhe më pas është zhvendos në Queen Medical Center në Honolulu.
Dr. Polo është diplomuar në University School of Medicine në Grenada. Trajnohet për sëmundjet e brendshme në “New York University School of Medicine”, Langone Hospital, Brooklyn dhe më pas vazhdon trajnimin në sëmundjet infektive në “Neë York Presbyterian program in Queens”, New York. Aktualisht punon si specialiste e sëmundjeve infektive në Hartford, Connecticut.
“Shoqata Mjekësore Shqiptaro-Amerikane” (AAMS), Presidente e së cilës tashmë është Nora Gashi, u krijua si një organizatë profesionale, humanitare, jofitimprurëse. Misioni kryesor i AAMS është të sigurojë kujdesin dhe mbështetjen mjekësore aq të nevojshme për shqiptarët dhe të tjerët nga rajoni i Ballkanit.
