Është pothuaj e pabesueshme të kuptosh se prodhimet e tyre prej sheqeri që zbukurojnë festat e shqiptarëve të Kanadasë dhe jo vetëm, nuk janë pikturë, skulpturë, apo një katet tjetër i së bukurës, një lloj arti që ndoshta unë nuk di ti vë emër dhe natyrisht krejt i ndryshëm nga ai që sollën vikingët apo grekët e lashtë që kishte për qëllim festimet e ditëlindjeve apo martesave. Duhet të jesh pranë atyre veprave (nuk mund ti quaj thjesht ëmbëlsira) pasi ka aq shumë fantazi, kreativitet, bukuri, histori , inteligjencë në to saqë fjalori im më duket i varfër për t’jua përcaktuar emërtimin e duhur.
Janë Bruna dhe Adi Brari që qytetarët e Tiranës por më shumë ata të Torontos i njohin mirë, më sakte ia dijnë mirë cilësinë e veprave të tyre të ngrënshme që pa asnjë mëdyshje janë kryevepra e akteve festive në Kanada. Unë nuk e di teknologjinë që ata shfrytëzojnë në realizimin e Tortave të Pavarësisë në Ontario, as nuk kam për qëllim ta zbuloj atë ,unë di veç të përshkruaj ndjesitë që provoj kur i ndjek produktet e “European Patisserie Brari”, di të pohoj se pranë tyre syri bëhet skeptik nëse shqisa e të ngrënit nuk i vjen në ndihmë.
Kam parë flamurin shqiptar mbi tortë, kam parë stema e sigla urimesh, kam parë qeleshen e stërlashtë shqiptare, çifteli, veshje tradicionale, kostume popullore, veshje arbëreshe dhe kam provuar se sytë e tejkalonin shikimin, habinë, kërshërinë, ato bëhen përjetues të vlerave muzeale, historike e kulturore që cifti Brari arrin të realizojë modestisht falë karakterit të tyre të veçantë larg bujës por pranë punës dhe me aq shumë madhështi falë mjeshtërisë së tyre profesionale dhe asaj artistike.
Nuk e kam rezervuar kurrë kureshtjen time për ti njohur nga afër këta zbukurues modest festimesh ku larmishmëria e të ftuarve VIPA, nuk ia zbeh aspak madhështinë e artit të tyre krijues. Ka një cilësi absolute ku gërshetohet përvoja e trashëguar dhe e kultivuar me shijet e veçanta të Brunës, Adit ku bashkëjeton njerëzisht pasioni për të bukurën. Ekziston një karakteristikë e veçantë gatimi në ëmbëlsirat e tyre e cila mbart një përmasë që nuk është thjesht dekor, as qershi mbi tortë, është ndofta një akt më shumë reflektim- festimi ku tema e çdo feste është e gdhendur në ART, ku ngjarja është e derdhur aq bukur në ëmbëlsinë prej sheqeri, ku fjala GËZUAR është e fiksuar në historinë që flet dhe mbetet përjetë mbi kryefestën e çdo feste që i mbledh rreth saj për një foto, për një kujtim, përbashkueshëm në përmbyllje të ndjesive të gëzueshme që akoma mbulon festa. Ata zbukurojnë festimet tona në një mënyrë shumë kreative ku torta nderon çdo profesion, datë, festë në dedikime tematike duke ndërthurur gatimin me ngjyrat , objekte e figura para të cilave shija stepet duke prekur dilemën që nuk zgjat shumë ta ndjesh me sy atë cilësi gatimi që vesh gëzimet njerëzore me art mjeshtëror, apo ta kullufisësh me shije atë produkt “Made in European Patisserie Brari” që nuk di a mundet të ilustrohet e perceptohet mjaftueshëm nga fotot .
Adi dhe Bruna Brari e kanë filluar këtë biznes qysh në vitin 2010 . Klientëve të tyre të shumtë të European patisserie ata iu thonë. “We are from Albania”!
Ato janë bukuria Brari që vesh ëmbëlsisht
