Grupi “Shkodra Elektronike” i njohur për sjelljen në një variant më modern të këngëve më të njohura tradicionale,  ka publikuar versionin e këngës shkodrane “Synin si qershia” në stilin e tyre krejt ndryshe dhe tepër të veçantë.

“Shkodra Elektronike” ka publikuar gjatë ditës së sotme në kanalin e tyre në You Tube videoklipin e këngës së njohur shkodrane “Synin si Qershia” por të punuar sipas një stili dhe fryme moderne nga grupi muzikor i përbërë prej Kolë Lacës dhe Beatriçe Gjergjit.

Në një intervistë për Radio Shkodra Kolë Lace shprehet “Synin si qershia” është një ndër këngët më të bukura shqiptare: “Kohët e fundit kthehem shpesh, në verë qëndrova dy muaj dhe u cmalla me shumë miq e shokë. Kënga që kemi zgjedhur këtë herë për mua është ndër këngët më të bukura, nuk ishte shumë e vështirë të përshtatej sepse koha vet është këngë që i qendron ccdo kohe. teksti është shumë i bukur. Është një bashkëpunim i ndërsjelltë mes meje dhe Beatricces.”

Skenat e ndërtuara në videoklipin e këngës janë marrë nga pjesë të një feste familjare të dyshes muzikore, konkretisht janë fragmente të shkëputura nga dasma e vëllait të artistit, Kolë Laca.

Duo muzikore prej vitesh punon dhe jeton ne Itali.