Mjekët Massimo Franchini dhe Giuseppe De Donno, drejtor përgjegjës në shërbimin e transfuzionit dhe pneomonologjisë, pionerë në përdorimin e plazmës hiperimune kundër koronavirusit, po ndërtojnë një urë solidariteti me Shqipërinë për të bashkuar forcat kundër pandemisë.
Teknika e spitalit Carlo Poma në Mantua në rajonin e Lombardisë, dhe në San Matteo në Pavia gjeti zbatimin e saj të parë të guximshëm, pasi u miratua nga Shtetet e Bashkuara, tashmë kjo teknikë do të kalojë edhe përtej Adriatikut.
Një rol vendimatar në ndërtimin e kësaj lidhje ndërkombëtare kishte edhe Petrit Kozeli, shqiptari i njohur në Mantua të Italisë. Mes gjithë vlerësimeve që Kozeli ka marrë, është edhe ai “Ambasador i Kombit”, titull i ky qe i ka lehtësuar kontaktet e drejtëpërdrejta me qeverinë shqiptare.
Massimo Franchini dhe Giuseppe De Donno iu përgjigjën menjëherë shqetësimit të Petrit Kozelit, përpara rritjes së numrit të të infektuarve me Covid-19 në Shqipëri: “Ne jemi të nderuar të bashkëpunojmë me qeverinë shqiptare dhe mjekët, me qëllim që të kursejmë sa më shumë jetë. Ne e bëjmë atë me zemër, në mënyrë që shkenca e mjekësisë të mos ketë kufij dhe të jetë në shërbim të popujve. Gjithashtu e bëjmë me një ndjenjë mirënjohje ndaj kolegëve tanë shqiptarë të cilët, në momentin e urgjencës italiane, erdhën këtu për të ndihmuar njerëzit tanë, duke luftuar krah për krah me kolegët e tyre italianë”.
Të dy mjekët u lidhën përmes një video konference me Zëvendës Ministren e Shëndetësisë shqiptare Mira Rakacolli dhe drejtoreshën e Kabinetit të Ministrisë së Diasporës Ada Ilia, si dhe vetë Petrit Kozeli.
Zëvendës Ministrja shqiptare njoftoi se plazma përdoret tashmë në Shqipëri, por ajo dëshironte të dëgjonte nga duart e dy ekspertëve të Mantuan detajet e metodës së tyre të përdorimit të plazmës hiperimune. Në fund ajo kërkoi që të ishte në gjendje të shihte edhe protokollin Mantuan.
Për më tepër, De Donno dhe Franchini, në marrëveshje me Drejtimin Strategjik të ASST të Mantova, ftuan përfaqësuesit e qeverisë shqiptare në Mantua, për të qenë në gjendje t’u shpjegojnë atyre në detaje jo vetëm përdorimin e plazmës hiperimune, por edhe pjesën organizative.
Në fund të bisedë të dy shefat e spitalit Poma e kanë vënë veten në dispozicion për të promovuar një mbledhje fondesh për blerjen e pajisjeve spitalore për Shqipërinë.
