Dy ditë pasi fitoi titullin kampion në WBA, boksieri shqiptar, Haxhi Robin Krasniqi ka vendosur të udhëtojë në drejtim të Kosovës për ta ndarë gëzimin me bashkatdhetarët e tij.
Boksieri nga Juniku ka postuar një foto në rrjetin social Instagram, teksa në duar mban dy titujt e fituar.
“Krenaria më e madhe në jetë t’ia sjell Kosovës titujt e botës”, ka shkruar në Instagram Haxhi Krasniqi.
Në vizitën e tij në Kosovë kampioni Krasniqi është pritur edhe nga Presidenti i Kosovës, Hashim Thaçi, i cili e ka dekoruar boksierin Robin Krasniqin me Medaljen Presidenciale të Meritave pas fitores së tij.
Robin Krasniqi është shqiptari i parë që ka arritur të fitojë dy titujt e mëdhenj, për t’u shpallur kështu kampion bote në peshat gjysmë të rënda në kategoritë IBO dhe WBA.