Në komunën arbëreshe San Paolo Albanese do të mbahet me datat 26-27 shtator “Festivali i Rrënjëve të Vjetra”.

Ky është i dyti vit radhazi që mbahet një festival i tillë, ku ndër të tjera të rinjve u ofrohen në dy ditë kurse për mësimin e zejeve tradicionale dhe për përdorimin e instrumente tradicionale muzikore.

Gjithashtu gjatë në programin dyditor është parashikuar që për pjesëmarrësit të ofrohen edhe vizita me shoqërues në Muzeun e Kulturës Arbëreshe.

Në edicionin e parë të këtij festivali, u vlerësua komunikimi që ky festival realizoi mes brezave, të cilët u lidhën nga interesat e përbashkëta mbi muzikën, teknikat e ndërtimit dhe përdorimin e instrumenteve të traditës popullore, ku patën rastin të diskutojnë dhe shkëmbejnë përvojat personale.

*Ky material është ekskluziv i gazetës “Diaspora Shqiptare”, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Shkrimi mund të ripublikohet nga mediat e tjera vetëm duke cituar “Diaspora Shqiptare” shoqëruar me linkun e burimit.